தூத்துக்குடி மாவட்ட ஓய்வூதியர் சங்க இணையதளம் உங்களை அன்போடு வரவேற்கிறது

28 June 2019

IDA from July 2019 : 146.7%

The Labour Bureau of India has just now announced AICPI for the month of May 2019 as 314 points.  

The Index for  March 2019 was 309 and for April 312 points.  Taking the average for the three months, the rate of IDA from July 2019 shall be: 146.7%.  

An increase of  5.3% from 141.4 to 146.7%.

27 June 2019

25-06-2019 அன்று நடைபெற்ற மாவட்டச் செயற்குழுக் கூட்ட நிகழ்வுகள்

 மாவட்டச் செயற்குழுக் கூட்டம் 
25-06-2019 அன்று காலை 10:30 மணிக்கு 
 வரதராசபுரம் வங்கிகள் சங்கக் கட்டிடத்தில் நடைபெற்றது. 

 மாவட்டத் தலைவர் திரு.எல்.தாமஸ் அவர்கள் கூட்டத்திற்குத் தலைமையேற்றார். தொடக்கமாக இறைவணக்கமும் அதைத் தொடர்ந்து கூட்டத்தலைவரின் முன்னுரையும் அமைந்தன.

 25-06-2019 அன்று மறைந்த தோழர் U. முருகேசன், திருவைகுண்டம் அவர்களுக்கு அஞ்சலி செலுத்தப் பெற்றது.

 அதன் பின்னர், கடந்த 8-6-2019ல் தீர்மானிக்கப்பட்டதன் அடிப்படையில் , நிகழ்ச்சிகள் குறித்த விவாதங்கள் பின்வருமாறு நடந்தேறின.

 மாவட்டச் செயலாளர் திரு எஸ்.சுப்பையா அவர்கள் சங்க நடவடிக்கைகள் குறித்து விரிவாகப் பேசினார். அவர் தனது உரையில், (1) மருத்துவப் படி தரவேண்டிய தூத்துக்குடி BSNL அலுவலகத்தில் ஏற்படும் தாமதம், (2) அதாலத் கூட்டரங்கில் நமது சங்கம் எடுத்துக்கொண்ட வழக்கு மற்றும் தீர்வுகள், (3) கடந்த இரண்டு மாதத்தில் நமது சங்கத்தின்உறுப்பினர் சேர்க்கை மற்றும் அது தொடர்பான நடவடிக்கைகள் ஆகியன குறித்து விரிவாகப் பேசினார்.

 மாவட்ட இணைச் செயலாளர் தனது உரையில் (1) அதாலத்துக்கான வழக்குகளைக் கையாண்ட முறைகள் அதன் தொடர் நடவடிக்கைகள் (2) உறுப்பினர்கள் தங்களது ஓய்வூதியம் மற்றும் வருமான வரி குறித்து அறிந்துகொள்ள வேண்டிய செய்திகள் (3) சங்கத்தைப் பலப்படுத்திட உறுப்பினர்கள் தவறாது தரவேண்டிய சந்தா மற்றும் நன்கொடைகள் ஆகியன குறித்துப் பேசினார்.

தொடர்ந்து, மாவட்டப் பொதுக்குழுக் கூட்டத்தை ஜூலை மாதம் நடத்துவதென்றும், செப்டம்பர் 28, 29ஆம் தேதிகளில் மாநிலச் செயற்குழுக் கூட்டத்தை ஏற்று நடத்துவதென்றும் பெரும்பான்மை அடிப்படையில் தீர்மானிக்கப் பட்டது. தோழர் ஏ. தேவதாஸ், தோழர் ஏ. சோமசுந்தரம், தோழர் எம்.பர்னபாஸ், தோழர் கே.பாலசுப்பிரமணியன் ஆகியோர் இது குறித்த விவாதத்தில் கலந்து கொண்டு தங்கள் கருத்துகளைத் தெரிவித்தனர்.

 இரண்டு கூட்டங்களுக்கான செலவுகள் குறித்த விவாதத்தில் அனைவரும் சிறப்பாகப் பங்கேற்றனர். ஒவ்வொரு உறுப்பினரிடமிருந்து குறைந்த பட்சம் ரூ.500ம், செயற்குழு உறுப்பினர்களிடம் ரூ.1000மும் வசூலிக்க வேண்டுமென்றும், இது குறித்த நோட்டீஸ் ஒன்று அச்சடித்து வழங்குவதென்றும் தீர்மானிக்கப்பட்டன.

 தோழர் எஸ்.பால்சாமி, மா.பொருளாளர் அவர்கள் நிதிநிலை குறித்த அறிக்கையினையும், இரண்டு கூட்டங்கள் நடத்திடத் தேவையான தோராயமான தொகையினையும், நன்கொடைகளை மும்முரமாகச் செயல்பட்டுப் பிரிக்க வேண்டியதன் தேவையையும் குறித்தும் உரையாற்றினார்.

 தோழர்.டி.செந்தூர்பாண்டி அவர்கள் நன்றியுரை ஆற்ற கூட்டம் இனிதே நிறைவுற்றது. 









26 June 2019

21-06-2019 அதாலத்











கடந்த 21-06-2019 அன்று சென்னையில் நடந்த குறைதீர் மன்றத்தில் (அதாலத்) நமது தூத்துக்குடி மாவட்டம் சார்பாக மா.தலைவர் எல்.தாமஸ், மா.செயலர் எஸ்.சுப்பையா, மற்றும் மா.இணைச் செயலர் கே.சித்திக் உமர் ஆகியோர் கலந்து கொண்டனர்.

 நமது மாவட்டத்திலிருந்து சென்னை CCAவுக்கு ஏழு குறைகள் தீர்வுக்காக அனுப்பியிருந்தோம்.

 தீர்வுகள் :

 திருமதி.சேக்கம்மா மற்றும் திரு.எஸ்.மாரியப்பன் ஆகியோரது குறைகளுக்கு முழுமையானத் தீர்வு தரப்பட்டது. பணம் அவர்களுக்கு விரைவில் கிடைக்குமென்று எதிர்பார்க்கிறோம்.

 திரு.சுப்பாராயலுக்கு look-on officiating என்பதால் ஓய்வூதிய மாற்றம் தரமுடியாது என மறுக்கப் பட்டது.

 திரு.எஸ்.பால்சாமி அவர்களுக்கான ஓய்வூதிய மாற்றம் CAT வழக்கின் தீர்ப்பு சாதகமாக இருந்தால் மட்டுமே தரப்படுமென்று கூறப்பட்டது.

 வி.செல்வராஜ் அவர்களது 2 குறைகளும் விரைவில் தீர்க்கப்படுமென்ற உறுதி தரப்பட்டது.
 பி.கடற்கரையாண்டி அவர்கள் தங்கள் குறைக்காகப் பிஎஸ்என்எல்லை அணுகக் கூறப்பட்டது.

அதாலத் அரங்கில் தரப்பட்டப் பதிலின் நகல் கீழே காண்க:


17 June 2019

வருமானவரி வேண்டாம் - நிதித்துறைக்கு DG அவர்களின் கடிதம்

பென்சனுக்கு வருமான வரியிலிருந்து விலக்குஅளிக்கக் கோரி மத்திய சங்க துணைத் தலைவர் தோழர் DG யின் மகஜர் மாதிரி வடிவம்: -

நிதியமைச்சகத்திற்கு நமது சங்கம் சார்பாக கீழ்கண்ட மகஜரை அனுப்ப தயவு செய்து பரிசீலிக்க வேண்டுகிறேன் -

“பென்சனுக்கு வருமான வரியிலிருந்து விலக்களிக்க வேண்டும்” என்பது இந்த நாட்டில் உள்ள அனைத்து பென்சனர்களின் அழுத்தமான உள்ளக்கிடக்கையாக உள்ளது.

 திரும்பத் திரும்ப, பென்சன் என்பது குருதி தொடர்பான ஒத்த சொத்துரிமை போன்றது என மாண்புமிகு உச்சநீதிமன்றம் தன்னுடைய தீர்ப்பை பல தடவை வெளிப்படுத்தியுள்ளது.

 2015-16 பட்ஜெட்டில் மோடி - ஜி தலைமையில் அமைந்த NDA அரசு ரூ.1,000 கோடிக்கு மேல் செல்வ வரி ( wealth Tax) - ஐ ஒழித்துக்கட்டியது .ஏற்கனவே இது 30 லட்சத்திற்கு மேல் வெறும் 1 சதவீதம் தான் இருந்தது.

 2017-2018-ன் பட்ஜெட்டில் 50 கோடிக்கு குறைவாக குறிப்பிட்ட காலத்தில் மொத்த உற்பத்தி செய்யப்பட்ட பொருள், மொத்த விற்பனை ( Turn over ) உள்ள பொதுத் துறை நிறுவனங்கருக்கு 30 சதவீத வருமான வரியை 25 சதவீதமாக குறைத்தது. இதன் மூலம் ரூ.7000 கோடி வருவாயை அரசு இழந்தது. தற்போது ரூ.250 கோடியாக உயர்த்த உத்தேசிக்கப்பட்டுள்ளது. வேலை வாய்ப்பை உயர்த்தும் நோக்கமாக இது செய்யப் பட்டுள்ளதாக சொல்லப்படுகிறது.

 2017-2018-ல் மொத்த பென்சன்செலவினமாக (இதர ஓய்வூதிய கொடை உட்பட ) ரூ.1,31, 201 கோடியாக மத்திய அரசுக்கு இருந்தது. பென்சனுக்கு செலவினமாக ரூ.80,000 கோடி மட்டுமே அதில் இருந்தது. அதில் சராசரியாக 10% எடுக்கும் Uட்சத்தில் பென்சனுக்கான வரியை ரத்து செய்தால் ரூ.8000 கோடியை மட்டும் அரசு இழக்க வேண்டியிருக்கும். நுகர்வோர் பொருட்களை வாங்குவதற்கு பென்சன் பணம் செலவிடப்படுவதால், உற்பத்தி தேவை அதிகமாகி விடும். மேலும் உற்பத்தியை அதிகமாக்கவும், வேலை வாய்ப்பை அதிகமாக்கவும் பயன்படும்.

 வங்கிகளிலும், அஞ்சலகங்களிலும் பென்சனர்கள் சேமித்து வைக்கும் தொகை, தொழில் முதலீடுகளுக்கும், அதன் மூலம் வேலை வாய்ப்பை பெறவும் வழி ஏற்படும்.

 மோடி தலைமையிலான அரசு பென்சனுக்கு வருமான வரியை ஒழிக்குமானால் 15 கோடி மக்களின் ( பென்சனர்கள் மற்றும் அவர்களது குடும்ப உறுப்பினர்கள்) நன்மதிப்பை பெற முடியும்.

 மேற்கண்ட முன்மொழி தலை சீரிய முறையில் கணக்கில் கொண்டு ஆவண செய்ய வேண்டுகிறோம் " -

- இந்த மகஜர் குறித்த தங்களுடைய கருத்துக்களை, ஆலோசனைகளை 18.06.19-க்குள் வாட்ஸ் அப் ( 80560 66995 - Mohan) அல்லது aibsnlpwatncircle @gmail .com என்கிற இ- மெயிலுக்கு அனுப்புமாறு கேட்டுக்கொள்கிறோம்.

...தமிழாக்கம்: த.அன்பழகன், மாவட்டச் செயலர், புதுச்சேரி

13 June 2019

Extended EC meeting - 25.06.2019


அகில இந்திய பிஎஸ்என்எல் ஓய்வூதியர் நலச் சங்கம் 
தூத்துக்குடி மாவட்டம், தூத்துக்குடி – 1 
விரிவடைந்த மாவட்டச் செயற்குழுக் கூட்டம் 

தோழர்களே, தோழியர்களே!
       வருகிற 25-06-2019, செவ்வாய்க் கிழமையன்று, நமது தூத்துக்குடி மாவட்டச் செயற்குழுக் கூட்டம் மாவட்டத் தலைவர் திரு.எல்.தாமஸ் அவர்கள் தலைமையில் நடைபெறவுள்ளது.

இடம் : வங்கிகள் சங்கக் கட்டிடம், வரதராசபுரம், தூத்துக்குடி-1

நேரம் : காலை 10:30 மணி

அனைத்து மாவட்டச் செயற்குழு உறுப்பினர்களும் தவறாது கலந்துகொள்ள வேண்டுகிறோம். நமது சங்கத்தின் பிற உறுப்பினர்களும் கலந்துகொள்ளலாம்.

 நிகழ்ச்சி நிரல் 

1. தலைவர் முன்னுரை
2. வரவேற்புரை
3. இரங்கல்
4. மாவட்டச் சங்க நிகழ்வுகள்
5. மாவட்ட ஆண்டுப் பொதுக்குழு நடத்துவது சம்பந்தமாக.
6. மாநிலச் சங்கச் செயற்குழு வரவேற்புக் குழு அமைத்தல்
7. நிதிநிலை
 8. தலைவர் அனுமதியுடன் பிற
9. நன்றியுரை

தோழமை வாழ்த்துக்களுடன்,
எஸ்.சுப்பையா
மாவட்டச் செயலாளர்


09 June 2019

ஜூன் மாதக் கூட்டம் - 08-06-2019

ஜூன் மாதக் கூட்டம், 
 08-06-2019 அன்று காலை 10:300 மணிக்கு, 
சங்க அலுவலகத்தில் நடைபெற்றது. 


மாவட்டத் தலைவர் திரு.எல்.தாமஸ் அவர்கள் கூட்டத்திற்குத் தலைமையேற்றார்.

கூட்டத்தில் மாநிலத் துணைச் செயலர் என்.அம்பிகாபதி, மாவட்டத் துணைத் தலைவர் எம்.ஜீவானந்தம், , மாவட்ட இணைச் செயலர்கள் எம்.பர்னபாஸ், மாவட்டப் பொருளாளர் எஸ்.பால்சாமி ஆகியோர் விவாதங்களில் சிறப்பாகப் பங்கேற்றுப் பேசினர்.

மாவட்டச் செயலர் எஸ்.சுப்பையா அவர்கள், சங்கச் செயல்பாடுகள் குறித்தும், கடந்த இரண்டுமாத உறுப்பினர்கள் வரவு குறித்தும், 2018-19 ஆண்டுக்கான மருத்துவப் படிகள் வழங்கப்படுவது தாமதம் ஆவது குறித்தும் பேசினார்.

கூட்டத்தில் கீழ்கண்டவை குறித்த விவாதங்கள் நடந்தேறின:

1. வருகிற 25-06-2019 அன்று நமது மாவட்டச் சங்கத்தின்.

2. செயற்குழுக் கூட்டத்தில் இவ்வாண்டுப் பொதுக்குழுக் கூட்டம் நடத்தும் நாள் குறித்து விவாதிப்பது.

 3. வருகிற செப்டம்பர் 28, 29 தேதிகளில் நாம் நடத்தவிருக்கிற மாநிலச் செயற்குழுக் கூட்டத்திற்கான ஏற்பாடுகள் குறித்து விவாதிப்பது.

 4. வருகிற 21-06-2019 அன்று சென்னையில் நடைபெறவிருக்கும் ஓய்வூதியர் அதாலத்திற்கு நமது மாவட்டச் சங்கத்தின் சார்பில் கே.சித்திக் உமர் அவர்கள் கலந்து கொள்வார்.

விவாதங்களில் அனைத்துத் தோழர்களும் சிறப்பாகப் பங்கேற்றனர்.

கூட்டத்தில் 16 உறுப்பினர்கள் கலந்துகொண்டனர்.

05 June 2019


03 June 2019

Toll free number for addressing Grievances of Pensioners

PENSIONERS
To the Attention of our District Secretaries: An useful order has been issued by the DOP &PW . Please explain to our members in our regular meetings.
RV,
CS